Абсолют Сургалтын Төв нь 2001 онд үүсгэн байгуулагдсан цагаасаа өндөр чанартай, үр дүнтэй боловсролыг оюутан сурагчдадаа санал болгосоор ирсэн билээ. Үүсгэн байгуулагч Ганаа нь олон жил ерөнхий боловсролын сургуульд англи хэлний багш хийснийхээ дараа англи хэлний чадваруудыг илүү гүнзгийрүүлсэн хичээлүүдээр дамжуулан олгох шаардлагыг олж харсан байдаг. Ингэснээр Абсолют Сургалтын төв нь 2001 оны 9-р сарын 1-ний өдөр 1 анги, 1 багштайгаар үйл ажиллагаагаа явуулж эхэлжээ. Үүнээс хойш сургуулийн маань нэр хүнд төдийгүй нийт суралцагчдын тоо ч хэд дахин нэмэгдсэн байна. Тиймээс бид 2014 оноос Тусгаар Тогтнолын Ордон руу нүүж, үйл ажиллагаагаа тэлж байжээ. Шинэ байршил дахь сургалтын албанд маань олон гадаад багш нараас гадна өндөр туршлагатай Монгол багш нар нэмэгдэж эхэлснээр бид хамт олноороо илүү хүчирхэгжин ажиллаж эхэлсэн. TOEFL, IELTS, SAT шалгалтуудад бэлдэх ангиудаас гадна хичээлээс гадуурх ажлууд, клубүүд, давтлагууд гээд сурагчдынхаа хэл сурах шаардлагад нийцүүлэх олон төрлийн үйл ажиллагааг нэмэгдүүлсээр ажиллаж байна. Харин сүүлийн жилүүдэд бид Монгол сурагчдад зориулан гаргасан өөрсдийн сурах бичгээ танилцуулаад байна. Түүгээр ч зогсохгүй, 2016 онд ерөнхий боловсролын сургууль, 2021 онд бага сургууль, 2023 онд сургуулийн өмнөх боловсролын байгууллагуудаараа Абсолют гэх брэндээ тэлж амжжээ. Ирээдүйд бид салбартаа ижил алсын хараатай Cambridge, College Board гэх мэт олон улсын байгууллагуудтай үйл ажиллагаагаа өргөжүүлэн ажиллах төлөвлөгөөтэй байна.